O xogador do Leite Río Breogán Iván Cruz deu positivo en coronavirus tras regresar dunha concentración coa Selección Española 3x3.
Cruz permanece illado e non se reuniu en ningún momento nin cos seus compañeiros de equipo nin co resto de persoal do club, segundo informou a entidade celeste.
O Breogán continúa, xa que logo, adestrando con normalidade.
Iván Cruz sofre síntomas leves pola enfermidade e será sometido a máis probas os próximos días.