O Lugo renova a catro dos xogadores que se baixaron o soldo

O CD Lugo anunciou este martes as renovacións dos xogadores Iriome González, Carlos Pita, Fernando Seoane e Cristian Herrera.

O conxunto branquivermello estendeu o contrato de Iriome unha tempada, polo que expirará en 2022 en lugar de 2021.

Os outros dous capitáns do equipo, Pita e Seoane, comprometéronse coa entidade lucense ata 2021. Ese mesmo ano acabará o seu contrato o dianteiro Cristian Herrera, que chegou ao equipo a tempada pasada.

Este luns, o presidente do Lugo, Tino Saqués, e o director deportivo do club, Emilio Viqueira, explicaron que nove xogadores aceptaron rebaixarse o salario para que todos os seus compañeiros puidesen ser inscritos porque o equipo superara o tope salarial que lle concede LaLiga e sinalaron que, como contrapartida, algúns ían ampliar os seus vínculos.