A tempada de caza menor 2019-2020 comezou este domingo cunha xornada marcada polos datos positivos no que se refire ao número de capturas, pero tamén cun optimismo moderado porque só tratábase dun primeiro día e aínda queda moito percorrido por diante, con circunstancias que poden alterar a situación como as enfermidades que poden reducir a poboación de coellos.
A primeira incógnita que rodeaba a xornada tiña que ver co tempo e aí, en xeral, hai que dicir que todo resultou bastante favorable. A choiva fixo acto de presenza en zonas illadas e en modo de tormenta, o que sempre provoca dificultades para os cans de rastro á hora de seguir e controlar ás pezas. Pero foi algo bastante esporádico. En xeral, pouca néboa e incluso algúns claros co que todo controlado.
OITO MIL CAZADORES. Un percorrido xeral polos tecores da provincia deixou boas sensacións para a maioría dos case oito mil lucenses que contan cunha licenza de caza. Había pezas e pódese un volver relativamente contento para casa, sobre todo porque nunca se sabe o que pode pasar máis adiante. Aínda así, hai algúns tecores que aínda non foron abertos; quizá algún máis que na primeira xornada da tempada anterior, pero en xeral os cazadores parten nesta coa sensación de que o fundamental é que as cousas non vaian a peor.
O repunte no interese dos mozos non palía as baixas polo envellecemento poboacional
E é que desde as administracións e os diferentes organismos recoñecen que o número de licenzas baixou progresivamente porque tamén é evidente que a poboación envelleceu. Hai un repunte no interese da xente nova, pero non é suficiente para conseguir unha alza e por iso Galicia non alcanza agora mesmo as 40.000 licenzas.
Así comezou unha tempada na que os cazadores podrán cazar a bolseira nos terreos de réxime especial e onde o período de caza pódense ver ampliado ata o día 9 de febreiro, todo cando a norma xeral marca que a tempada comezou este domingo e pecharase o 6 de xaneiro, pero aí estará unha das excepcións.
Para a lebre só autorízase nun período comprendido entre o día deste domingo e o 24 de novembro en terreos de regimen especial; o raposo pódese cazar nas modalidades de caza menor e en batida. Neste último, o primeiro período xa se pechou e o segundo comprende entre os días 7 de xaneiro e 9 de febreiro de 2020.
Doutra banda, queda prohibida na comunidade Galicia a caza de especies como a perdiz pardilla, a avefría, o pato culler, a tórtola turca, a gaivota sombría, a pomba bravía, a pomba zurita e tamén a grajilla.
Un dos aspectos máis destacados desta tempada e que este domingo xa se deixou notar nos cazadores é a clara concienciación no que ten que ver coa seguridade. De feito, un curso que se celebrou este pasado fin de semana en Lugo tivo un completo éxito de participación, Todo un dato positivo para este mundo tan complicado como é o da caza.
