A xogadora do Arenal Emevé Yael Castiglione denunciou publicamente este mércores o hackeo das súas contas de Facebook e Instagram, polo que alertou aos seus seguidores ante a posibilidade de que poidan recibir mensaxes que utilicen o seu nome enviadas realmente por outra persoa.
O caso da colocadora arxentina súmase ao denunciado hai só uns días pola futbolista do Pescados Rubén Burela Patricia González Mota, Peque, quen chegou a sufrir un intento de extorsión cando as súas contas de Facebook e Instagram foron hackeadas por un pirata informático de Líbano.
O ataque aos perfís de Yael Castiglione tamén se realizou desde Líbano, segundo explicou ela mesma a través de Twitter.
CREO QUE ME HACKEARON LAS CUENTAS DE FACEBOOK E INSTAGRAM. POR FAVOR NO RESPONDAN MENSAJES DE NADIE, TODA PUBLICACIÓN QUE SE HAGA HASTA NUEVO AVISO NO SERAN MIAS. LES PIDO RT Y QUE TODOS LOS QUE PUEDAN AVISEN EN SUS INSTAGRAM!
— Yael Castiglione (@CastiglioneYael) December 8, 2021
GRACIAS!!!
CONFIRMADISIMO!!!!!!! Hacekada desde el Libano, increíble, cuidado!!!
— Yael Castiglione (@CastiglioneYael) December 8, 2021
Mi nuevo INSTAGRAM y FACEBOOK es Castiglione Yael
Descuberto o hackeo, a xogadora do Arenal Emevé creou xa novas contas en Instagram e en Facebook.
Na súa alerta pública, Castiglione no fala de extorsión, que si aconteceu no caso de Peque. A futbolista do Pescados Rubén puido recuperar a súa conta de Facebook, pero non sucedeu o mesmo coa de Instagram. Despois de poñerse en contacto con ela vía mail e da súa negativa a pagar, o hacker comezou a enviar fotos pornográficas aos seus contactos, o que a obrigou a pedir o bloqueo da súa conta e a perdela definitivamente.
A futbolista denunciou os feitos á Garda Civil. "Foron moi claros e dixéronme que non se podía facer practicamente nada. Internet vai demasiado rápido e as leis que o regulan demasiado lentas", expón.