Agudizar o enxeño en períodos de carestía. Adaptarse aos recursos dispoñibles e probar novos sistemas e xogadores para competir. O adestrador do Lugo, Rubén Albés, buscou solucións á defensa na estrea ante o Burgos en Astorga á espera de que cheguen reforzos. A zaga de tres e mediocentros formando como centrais foron alternativas para un equipo aínda por formar.
A primeira e a segunda metade do duelo da Eragudina tiveron o común denominador dun centrocampista atrasado ata instalarse entre dous centrais. Carlos Pita fíxoo no primeiro acto. Xavi Torres foi o encargado de dirixir a zaga na segunda.
Non son posicións descoñecidas para ambos. O herculino é un comodín nos últimos anos. A súa intelixencia sobre o verde, o seu coñecemento do xogo, a súa facilidade para interpretar ao rival, xunto coa súa habilidade para armar o fútbol permítenlle ser unha ferramenta útil desde atrás para momentos nos que non hai centrais e como
A aposta convenceu a Rubén Albés, que podería manter o debuxo
A opción de romper as primeiras liñas de presión do contrario cun central é unha arma do fútbol moderno. Na Eurocopa observouse en futbolistas como Laporte, Bonucci ou Stones. No Lugo xa hai tempo que o fai Carlos Pita. Albés non refugará esta opción e xa a proba desde o primeiro día.
Tamén o intenta con Xavi Torres. O de Xávea xa formou nese posto no tramo final de Liga. Incrustado entre centrais, o veterano mediocentro emprega a súa capacidade para aliarse cos seus compañeiros para pechar espazos e iniciar o xogo cunha condución, un pase vertical ou un balón en longo.
Á beira de Pita e Torres formaron o xogador do Polvorín Matías Vesprini e o canario Alberto Rodríguez. Este último está a proba, pero o seu rendemento parece convencer a Albés. "É un central con liderado, cun nivel de concentración alto, un físico envexable. Ten nivel, pero é pronto para facer unha valoración sobre o seu rendemento. Sempre que continúe aquí terá posibilidades de quedar", valorou o técnico.
Vesprini, como o resto de membros do Polvorín, renderon ben ante o Burgos.
