O Durán Maquinaria Ensino comunicou este venres a fichaxe de Marta Tudanca, cuxa incorporación reforzará o xogo exterior do equipo lucense.
Tudanca (Vitoria, 10/04/1990) aterra no Ensino "logo de completar unha notable campaña" co Baxi Ferrol na liga Feminina 2, "onde disputou 21 encontros cunha media de 25 minutos por partido e 12,8 puntos por partido", segundo precisou o club lucense nun comunicado.
Muy contenta e ilusionada de formar parte de este gran club como es @EnsinoLugoCB y su proyecto.
Con muchas ganas de empezar y devolver la confianza depositada en mí en pista!
Juntos disfrutaremos en el Pazo!
Nos vemos pronto. https://t.co/mAAtfaTcu4— Marta Tudanca (@martatudanca) June 5, 2020
Ademais, a gasteiztarra, que pode actuar nas posicións de aleiro e escolta, conta cunha gran experiencia na liga Feminina tras o seu paso por, ademais do Ferrol, o Bembibre, Promete, Araski e Al Qazares.
En canto ao seu xogo, o Ensino destaca a faceta "reboteadora" de Tudanca, así como a súa capacidade para "roubar e asistir de igual xeito grazas á súa visión de xogo".