Herrera, Luís Ruiz e Djaló din adeus ao Club Deportivo Lugo

O Lugo confirmou a finalización dos contratos dos xogadores Cristian Herrera, Luís Ruiz e Marcelo Djaló, que quedan desligados da entidade galega.

A conclusión do contrato de Herrera e Luís Ruiz xa se coñecía porque acababan contrato esta tempada. Marcelo, pola súa banda, continuaba con firma en vigor, polo que se entende que ambas as partes chegaron a un acordo para que o central sexa libre. 

O conxunto galego agradeceu o "traballo, profesionalidade, dedicación e esforzo durante o tempo" no que os tres defenderon a camiseta branquivermella.

Ademais, deséxalles "os maiores éxitos posibles no plano persoal e profesional para o futuro".

A tempada pasada, Herrera disputou 40 partidos, 22 como titular e anotou dous goles co equipo lucense.

Dos tres é o que máis minutos tivo, xae Djaló quedou en 19 partidos de LaLiga SmartBank disputados e Luís Ruiz, en 23.