O canario Cristian Herrera é unha das sensacións da Segunda División nestas primeiras xornadas e, sen dúbida, o xogador máis acertado de face ao gol no conxunto que adestra Eloy Jiménez.
Pasaron sete xornadas da competición e o futbolista do Club Deportivo Lugo xa acumula catro tantos, o que o sitúa como o pichichi do seu equipo e moi preto dos xogadores que lideran esa clasificación. Sekou Gassama (Almería), Cristian Stuani (GXirona) e Alfredo Ortuño (Oviedo) están na cabeza da táboa de goleadores con cinco dianas, só unha máis que o canario.
Os números de Cristian Herrera, que cumpre esta campaña a súa terceira tempada como integrante do club branquivermello, son realmente espectaculares porque xa leva 21 goles co Lugo e ameaza con situarse como o máximo goleador dos lucenses en Segunda División.
Ese privilexio é, por agora, para Joselu, que militou dous anos no Lugo e acabou cuns rexistros de 28 tantos; todo logo de sumar cinco goles nunha campaña e completar logo con nada menos que 23 nun curso na que estivo entre os mellores xogadores da categoría.
Por detrás de Joselu aparecen Cristian Herrera e o arxentino Pablo Caballero. Os dous futbolistas están empatados con 21 tantos, co que o canario está a un paso de colocarse como segundo máximo goleador do club en Segunda División en solitario.
"Estou moi contento por eses catro goles, porque para un dianteiro sempre é importante marcar, pero me gustou levar máis e que eses goles servisen para dar máis puntos ao equipo, que é o importante", comenta o propio Cristian Herrera ao valorar a súa actual tempada e o acerto goleador na mesma.
O calendario de Segunda División preséntalle agora a Cristian Herrera toda unha chiscadela, xa que os dous próximos conxuntos que van visitar o Ángel
O feito de medirse cos equipos da súa terra prodúcelle unha motivación extra. Non hai que esquecer tampouco que o dianteiro do Lugo formouse nas categorías inferiores da Unión Deportiva Las Palmas e incluso durante este pasado verán algúns rumores chegaron a asociar o seu nome cun interese por parte do equipo canario en contratarlle.
"Son das Palmas, pero sempre me alegro polos resultados do Las Palmas e do Tenerife", asegurou o xoves o xogador sobre o que supón estes dous duelos para el, o primeiro este domingo a partir das 21.00 horas ante o Tenerife no Ángel Carro.
Cristian Herrera nunca escondeu as súas raíces e non dubida en asegurar que "sempre é bo enfrontarse aos equipos da terra", uns partidos que lle chegan agora e que poden colocalo como o máis inmediato perseguidor de Joselu nesa honra de máximo goleador do conxunto lucense na súa historia en Segunda División.
A só sete tantos de distancia de Joselu, o canario non se pon unha cifra como obxectivo para esta tempada e aplica aquilo de que o máis importante é o equipo e que os goles "sirvan" para dar puntos; pero o que é evidente é que con catro tantos e só sete xornadas disputadas, o reinado de Joselu pode correr un perigo máis que serio.
