A Federación Galega de Fútbol anunciou este xoves aprazar o encontro de Terceira División entre o o Bergantiños e o Polvorín, filial do Club Deportivo Lugo, debido á detección de varios positivos por coronavirus no conxunto local.
Este é o segundo partido posposto no que se ve involucrado esta semana un equipo da provincia de Lugo, xa que o xuíz único decretou hai uns días o adiamento do Viveiro-Silva tamén de Terceira División, previsto para o vindeiro domingo, debido a un positivo do conxunto coruñés.
A Federación anunciou tamén o adiamento do Pontevedra-Lugo da liga Nacional xuvenil.