Jueves. 15.11.2018 |
El tiempo
Jueves. 15.11.2018
El tiempo

Os favoritos mandan no Open Lugo

Un dos momentos da xornada do Lugo Open de Pádel. VITORIA RODRÍGUEZ
Un dos momentos da xornada do Lugo Open de Pádel. VITORIA RODRÍGUEZ

As cabezas de serie debutaron con triunfo no torneo que acollen o Pazo e o Centro D10

LUGO. O Open Lugo do World Padel Tour viviu este xoves no centro deportivo D10 e no Pazo dos Deportes de Lugo unha xornada de oitavos de final marcada pola emoción e que xerou moita expectación no público, e na que as cabezas de serie do cadro masculino e feminino deixaron claro na súa estrea que van a por todas. Ningunha desas parellas quedou eliminada e deixou ben claro que queren chegar o mais lonxe posible en Lugo.

Pablo Lima e Marcello Jardim impuxéronse a Lucas Bergamini e Lucas Campagnolo por 6-4 e 6-2 e agora mediranse a Miguel Lamperti e Juan Mieres, que superaron a Rafael Méndez e Diego Ramos por un dobre 6-3.

Tampouco deron opcións Juan Martín Díaz e Francisco Navarro, que gañaron a Jorge Nieto e Javier Rico por 6-4 e 6-3, e que agora se medirán a Ramiro Moyano e Luciano Capra, que venceron a Javier Ruiz e Uri Botello por 7-5, 3-6 e 2-6.

Mentres , Matías Díaz e Alejandro Galán superaron a Fernando Poggi e Federico Chingotto por 6-4 e 7-6. Agora enfrontaranse a Juan Cruz Bellauti e Juan Lebron, que gañaron por 6-4, 3-6 e 6-3 a Álvaro Cepero e Sebastián Nerone,

Os partidos dos cuartos de final comezan este venres ás nove da mañá

Finalmente, Maximiliano Sánchez e Carlos Gutiérrez superaron por 6-1 e 6-1 a Gabriel Reca e Jerónimo González, e agora veranse as caras en cuartos de final ante a parella formada por Fraco Stupaczuk e Cristian Gutiérrez, que á súa vez venceron a Pedro Alonso e Matías Nicoletti por un marcador dun dobre 6-3.

No que se refire ao cadro feminino, tampouco houbo sorpresas. Gemma Triay e Lucía Sainz pasaron a cuartos despois do abandono da parella formada por Xenia Clasca e Noelia Márquez. Agora mediranse con Carolina Tenorio e Beatriz González, que superaron a Alba Galán e Maria do Carmen Villalba por 6-4, 4-6 e 6-4.

MARRERO E SALAZAR. Marta Marrero e Alejandra Salazar gañaron por 7-5 e 6-0 a Nelida Brito e Aranzazu Osoro; e agora veranse as caras ante Caronian Navarro e Cecilia Reiter, que o xoves venceron a Sara Pujals e Alix Colombon por un marcador de 6-0 e 6-3.

Tamén seguen adiante Marta Ortega e Ariana Sánchez, que superaron por 7-6 e 6-1 a Ana Fernández e María Virginia Riera; agora xogarán fronte a Carla Mesa e Lucía Martínez, que venceron a Teresa Navarro e Vitoria Iglesias por un dobre 6-4.

Finalmente, María José Alayeto e María Pilar Alayeto impuxéronse a Lorena Alonso e Maiete Gabarrus por un marcador de 6-2 e 6-1; e agora enfrontaranse en cuartos á parella formada por Patricia Llaguno e Elisabet Amatriaín, que superou a Elena Ramírez e Sara Ruiz por un dobre marcador de 6-0.

O momento decisivo achégase e hoxe espéranse oito duelos que supoñen un novo exame para os favoritos, co atractivo e o aliciente de ver se algún deles queda fóra do camiño ao título que se disputará o domingo no Pazo coas cámaras de Gol en directo.

Os favoritos mandan no Open Lugo
Comentarios