viernes. 15.11.2019 |
El tiempo
viernes. 15.11.2019
El tiempo

Epifanio ve en Palencia "un dos campos máis difíciles"

Diego Epifanio. XESÚS Ponche
Diego Epifanio. XESÚS Ponche
O técnico do Breogán cre que aínda é precipitado "falar de favoritos" e espera que os seus superen a "ansiedade de meter canastra"

Diego Epifanio, adestrador do Leite Río Breogán, considerou que a cancha do seu próximo rival, o Palencia, é unha das "máis difíciles" da LEB Oro, categoría que comandan os lucenses con pleno de vitorias en dúas xornadas.

"Imos a un dos campos máis difíciles da competición. Palencia, á parte dos bos proxectos, é un campo moi quente, dos difíciles cando vas como rival e esperemos que nos vaian as cousas como nas primeiras xornadas", comentou.

O técnico considerou que é "demasiado pronto" para facer balances e cábalas porque "a liga é moi longa e falar de favoritos ou pór carteis é moi precipitado".

Do seu equipo indicou que ten que quitarse "un pouco a ansiedade de meter canastra" e apuntou que "o grupo está a traballar ben" e irá "mellorando nos posibles defectos".
Do Palencia apuntou que "coa chegada de Felipe dos Anjos ten un xogo interior moi importante na competición".

"Agora conta con dous rexistros, (Kevin) Larsen que lles dá moito poste baixo e Felipe que lles vai a dar correr o campo, xogar bloqueo directo e ademais con el gañaron moita intimidación na pintura. E teñen a Dani Rodríguez como xerador de xogo", sostivo.

En canto á situación dos seus xogadores desexou poder contar "cos doce" do persoal, aínda que Roope Ahonen segue con molestias por un golpe nunha man e Massine Fall deuse un "golpe" este martes e está pendente de avaliación.

Epifanio ve en Palencia "un dos campos máis difíciles"
Comentarios