O adestrador do Leche Río Breogán, Diego Epifanio, analizou o triunfo sobre o Oviedo. "Durante moitos minutos do partido logramos a intensidade e o esforzo defensivo que requiría este partido. O inicio non foi o mellor. Fallamos demasiadas posesións no primeiro cuarto, pero o equipo foi entrando no partido e xogamos un excelente terceiro cuarto. Voume contento polo traballo colectivo. O traballo que tiveron os Quintela foi moi bo", asegurou. "Os xogadores están a dar o máximo e o esforzo e o compromiso que demostrou cada xogador é incrible e iso hai que recoñecelo", engadiu Epifanio.
"O equipo realiza un traballo defensivo excelente e iso permítenos rebotear e poder correr. O equipo comparte o balón moi ben. Estes xogadores pon o seu talento ao servizo do equipo".
LEZKANO. O extécnico do Breogán e actual preparador do Oviedo, Natxo Lezkano, asegurou que: "Foi moi emocionante vir aquí e ver que a xente me aprecia, por iso doulles as grazas e dígolles que o aprecio é mutuo. Teño que dar o parabén ao Breogán porque fixo un partido moi serio. Tiveron a oportunidade de romper o partido no segundo cuarto e chegamos ao descanso con moito por decidir, pero o noso terceiro cuarto foi horrible", indicou.