O adestrador do Leite Río Breogán, Diego Epifanio, advertiu da "rotación" do Real Canoe, ante o que intentará conseguir a terceira vitoria consecutiva este venres.
"Preocúpanos un pouco saber cantos xogadores poden entrar na rotación porque eles xogan en strong <>continua rotación, son un equipo moi físico, que corre moito e preocúpanos igualar esa enerxía e capacidade física", comentou en rolda de prensa.
Do rival, recordou que "vén de gañar ao Mallorca, de facer un moi bo partido e na súa casa sente cómodo".
"Diante mete moitos puntos, xoga á liberdade dos xogadores, o traballo do corpo técnico permite que moitos poidan crecer porque lles dan moita capacidade de acción e defensivamente teñen moita actividade e fan que o rival xogue bastante incómodo", apuntou.
Engadiu que o Canoe lles "vai esixir moito" e precisou que é "o segundo que máis tapóns coloca".
"As súas liñas están moi marcadas e estruturadas", abundou Epifanio, que está pendente da evolución de varios xogadores.
Arrastran problemas o dominicano Dago Pena, Roope Ahonen e Rauno Nurger e ten a baixa de José Nogués.
"Estamos a buscar as razóns a que en moi pouco tempo esteamos a ter demasiados incidentes que marcan que o equipo non poida crecer do mellor xeito", sostivo o técnico do Breogán.