GERNIKA. Non puido o Ensino conseguir nada positivo na súa visita a Maloste, onde tras un bo inicio, o Gernika foi sempre por diante no luminoso, chegando a dispor dunha renda de ata 23 puntos mediado o terceiro cuarto. Non baixaron os brazos as lucenses, que conseguiron, a base de coraxe, colocarse a só 5 puntos a falta dun minuto para o final. Pero as biscaíñas reaccionaron a tempo e evitaron a remontada. O resultado mantén ao cadro que dirixe Juan Nécega na oitava praza.
Comezou mellor o conxunto de Lugo, que durante os primeiros dous minutos de partido secou por completo o ataque dun Gernika algo nervioso e colocou un parcial de 0-5. A férrea defensa lucense puxo en moitos aprietos ao seu rival durante toda a primeira metade do cuarto inicial (2-7, minuto 5). Pero a partir de aí, o conxunto local, cun cambio de estratexia e movendo o banco, comezou a espertar e, cun parcial de 9-0, deulle a volta ao marcador (11-7, minuto 8).
Un triplo de Tagliamento puxo fin á seca do Ensino, aínda que as vascas estaban xa lanzadas e conseguían irse ao final do cuarto con 6 puntos de renda (18-12).
Refixéronse as pupilas de Juan Nécega no inicio do segundo cuarto e, da man de Miller e Gómez, conseguiu levar o partido ao terreo da igualdade cun bo intercambio de canastras (22-18, m. 13). Pero aos poucos o Gernika foi impondo a súa lei e abrindo oco no luminoso para chegar aos dez puntos de vantaxe aínda a falta de 3.52 para o descanso (32-22). Parou o partido o técnico galego en busca de solucións, pero non chegaron e á volta o seu equipo parecía aínda máis ausente.
Cinco puntos consecutivos de Nacickaite e unha canastra de Gwathmey elevaron a vantaxe local ata os 17 puntos a 1.30 do final do segundo cuarto (39-22).
Miller conseguiu por fin ver aro para o Ensino e de aí ao final do cuarto as galegas recobraron o sitio en defensa e frearon a escapada do seu rival, aínda que apenas conseguían reducir diferenzas (39-24).
Tras o descanso, o Ensino intentou meter unha marcha máis ao seu xogo e imprimir velocidade ao seu ataque para intentar recortar diferenzas. Non o conseguiu e tras uns minutos de toma e daca os locais asinaron un parcial de 6-0 que elevou as diferenzas ata os 23 puntos a falta de 5.41 para o final do cuarto (52-29).
Parou o partido de novo o técnico do equipo galego, e á volta Tagliamento, Nyingifa e un triplo de Ou'Dwyer deron aire ás visitantes (59-39, m. 27). Agora era o equipo vasco o que pediu tempo morto para intentar cortar a reacción visitante pero outro triplo, esta vez de Tagliamento, e un máis de Ou'Dwyer reduciron as diferenzas ata os 12 puntos (60-48).
Faltaban 20 segundos para o final do terceiro cuarto, pero houbo tempo para que os locais, cun triplo de Aritzmuño deixasen o luminoso en 63-48.
As cousas volveron complicarse no inicio do cuarto decisivo cun parcial de 6-2 que acendeu de novo as alarmas nas filas lucenses (69-50). Pero o Ensino non baixou os brazos e tras outro tempo morto as visitantes protagonizaban un novo arreón (69-57, minuto 35).
Non quedou aí a cousa. Nyingifa, Ou'Dwyer e Tagliamento conxuráronse para seguir apertando o luminoso ata o 77-72 a falta dun minuto para a conclusión. Pero un triplo de Nacickaite e unha boa defensa permitiu ás locais manterse por diante no luminoso ata o asubío final, deixando sen premio ás lucenses.
Durán Maquinaria Ensino: Gómez (12), Miller (10), Nyingifa (13), O Dwyer´(13), Aliaga (5) —quinteto inicial— Calvelo, Tagliamento (21).
Árbitros: Juan Gabriel Carpallo Miguélez, Eva Areste Giralt e Jorge González Zumajo.
Sen eliminadas Incidencias: Partido disputado no pavillón de Maloste ante