Achégase a fin de semana e con iso crece a emoción no Torneo 110 Aniversario El Progreso de pádel que se disputa no Centro Deportivo D10 de Outeiro de Rei. As mellores parellas das distintas categorías sobreviven nun torneo que se prolongará ata o domingo e cuxa entrada é libre e gratuíta.
De entre os partidos que se disputan este xoves destacan os de oitavos de final da primeira categoría masculina, cuxos semifinalistas xogarán o Pro WPT coas parellas do World Pádel Tour que se incorporen ao evento a partir deste venres. Así, Alejandro Arribas e Alberto Pérez veranse as caras con Adrián Salgado e José López. Leo Real e Pedro Alonso xogarán contra Benito Bastos e Fernando Caballés. Julián Gil e Carlos Pardo mediranse con Jorge Fernández e Gabriel Núñez. Miguel Veiga e Santiago Anca xogarán contra Ismael García e José Núñez.
O Torneo 110 Aniversario El Progreso de pádel serve como aperitivo dun dos grandes eventos deportivos do ano, o Lugo Open do World Pádel Tour, que se disputará no Pazo dos Deportes do 2 ao 9 de setembro.
