El Arenal Emevé conseguiu este sábado un agónico triunfo ante os seus contra o UBE L'Illa Grau por tres sets a dous.
O equipo lucense, que lle ten tomada a medida ao conxunto de Castelló ao que xa derrotou na primeira volta polo mesmo resultado, remontou un un a dous adverso.
O primeiro parcial resolveuse nos puntos extra por 29-31. O segundo caeu ao lado local por 25-23. No terceiro volveu imporse o cadro visitante por 22-25, tras desaproveitar o Areal Emevé un 19-15 a favor.
No cuarto set equilibrouse de novo o resultado, 25-18. O quinto pechouse con 15-13, tras un remate certeiro do capitán Víctor Bouza, que sumou 21 puntos, como Luis Martín.
Pero o xogador máis acertado do Areal Emevé foi o central estadounidense Matthew Knigge, con 23 puntos.