O Arenal Emevé conseguiu este mércores un vital triunfo por dous sets a tres na pista dun rival directo pola permanencia, o Eivissa Ushuaïa Volley, que lle permite soñar con disputar os play off polo título.
O equipo que adestra Diego Taboada impúxose nos dous primeiros sets que foron moi igualados, 22-25 e 24-26. Foi fundamental o segundo porque remontou un resultado adverso de 23-18.
O conxunto lucense diluíuse nos dous sets seguintes, que perdeu claramente por 25-15 e 25-18. Pero refíxose no último, 9-15, para sumar dous puntos e encadear a súa segunda vitoria a domicilio.