Deporte Local Lugo
O Emevé mantén o liderado tras derrotar o Estremadura
El Arenal Emevé está a tomarlle o pulso á Superliga masculina de voleibol a base de agónicas vitorias, tras remontar. Este sábado sumou a súa segunda vitoria seguida, na cuarta xornada de liga, ao sorprender ao UBE L'Illa Grau a domicilio por dous sets a tres.
O conxunto que dirixe Diego Taboada remontou por dúas veces. Comezou perdendo 25-19. Levou o segundo set por un axustado 24-26. O terceiro caeu outra vez ao lado local, 25-20. A presión non puido co Arenal Emevé que se fixo cos dous seguintes por 18-25 e 12-15, tras gozar de cómodas vantaxes.
O poderoso central estadounidense Matthew Knigge, de 2,02 metros de altura, foi fundamental na vitoria do Arenal Emevé con 17 puntos, ben secundando polo oposto castelán Luís Martín e o receptor lucense Víctor Bouza, con 15 e 14 puntos, respectivamente.
