Eloy Jiménez: "Hai que reaccionar xa"

O técnico do CD Lugo, Eloy Jiménez, avogou por "reaccionar xa" logo de enlazar, coa derrota deste domingo ante o Sporting de Xixón (1-2), cinco partidos sen gañar, con dous puntos sumados de quince posibles.

"Hai que reaccionar xa, sacar o próximo partido. Hai que obter resultados si ou si. Quizais, dominar as dúas áreas, ser máis prácticos e que eses erros puntuais non che marquen", analizou en rolda de prensa.

Considerou que está "moi tranquilo, con moita confianza" a nivel persoal a pesar de achegarse ás posicións de descenso a Segunda B, agora a dous puntos. "Neste tipo de situacións son máis forte", dixo o preparador manchego, que acusou a derrota aos "fallos puntuais".

Jiménez afirmou que "o partido co Sporting foi moi igualado, con moito corpo a corpo e xogo directo". Ademais, sinalou que o gol que sentenciou ao seu equipo "non vén de saída de balón, senón de dous despexes malos".

"Ao final nesas situacións hai que ser mais contundentes. Niso estivo o partido. Dúas accións puntuais decantaron o encontro", sostivo.