O adestrador do CD Lugo, Eloy Jiménez, desexou que o triunfo (3-2) ante o Huesca, o segundo da tempada en doce xornadas, dea "confianza" aos seus xogadores. O partido estivo marcado polas expulsións, primeiro, con 2-0, do branquivermello Yanis Rahmani e, despois, con 2-2, do visitante Josué Sá.
"Espero que este partido nos dea confianza pola entidade do rival, un equipo feito para ascender e no que soubemos competir. A expulsión nosa condicionounos e eles, con tanta calidade por dentro, pódenche facer gol. Coa expulsión do seu xogador fomos fortes a balón parado e gañamos", declarou en rolda de prensa. Jiménez considerou que, "en liñas xerais", o Lugo mereceu "os tres puntos" e dixo que "o importante é o resultado e dá igual como xogues".
Ademais, sinalou que a Segunda División é "unha Liga de fondo" e augurou que, a pesar de saír do descenso co triunfo ante o Huesca, haberá sufrimento todo o" ano porque todos os equipos teñen as súas "armas".
