O adestrador do CD Lugo, Eloy Jiménez, prognosticou este venres un partido de poder "a poder" e sen favorito no duelo de proximidade que xogará o seu equipo co Deportivo no Ángel Carro. "Nós temos que intentar ser dominadores, como sempre dixen, pero ás veces non pode ser. Creo que vai ser un partido de poder a poder, no que os dous equipos vanse a querer impor e nos derbis non hai favorito", comentou Jiménez.
O técnico do Lugo advertiu de que "o que baixe un pouquiño os brazos" vaise a ver superado e admitiu que a intención dos branquivermellos é aproveitar o delicado estado anímico dos deportivistas, pechacancelas de Segunda. "Temos que afrontar o partido a lume de biqueira desde o minuto cero. Ser agresivos, pero tamén agruparnos e defender porque pódenche penalizar. Valentes ao ir arriba, pero tamén defender", manifestou.
Jiménez considerou que o partido "ten moitos condicionantes", entre eles a historia dun rival que está en horas baixas. "O Deportivo sempre foi un señor equipo e motiva a todo o mundo. Estes son partidos especiais e temos que intentar sacalo", dixo.
Sobre o conxunto herculino, o técnico branquivermello insistiu en que non é "calquera equipo", porque se trata dun "histórico que non está en bo momento, que non empezou ben, pero que ten bos xogadores, con argumentos futbolísticos e técnicos" e considerou que se trata dun "partido trampa".
O Lugo non poderá contar neste partido cos xogadores Roberto Canella, Gerard Valentín e Borja Domínguez, baixas por lesión que se suman ás dos dous lesionados de longa duración, Antonio Campillo e Hugo Rama.
Evolución
Eloy Jiménez explicou a evolución dos lesionados. "Gerard Valentín está no tramo final da súa recuperación e este sábado fará parte do traballo co grupo; a Canella creo que aínda lle faltan dous ou tres semanas, e Borja, probablemente entrará desde a semana que vén», dixo.