O adestrador do Lugo, Eloy Jiménez, afirmou que o conxunto branquivermello deixou "vivo" ao Deportivo co empate no derbi galego (0-0) que se disputou este domingo no Ángel Carro.
"Creo que os deixamos vivos. Os xogadores estaban amolados nese aspecto porque ao final o Deportivo é o Deportivo e pode reaccionar. Sabiamos que era moi importante este partido e esa é a sensación, demos un nivel moi bo e os xogadores estaban un pouco amolados", comentou.
Jiménez destacou que "o equipo fixo un desgaste importantísimo e é a dinámica" que debe coller, a de ser así "de agresivos en casa e con esa ambición de meter ao rival en campo contrario".