Misión imposible para o Emevé ante o líder da Superliga masculina de voleibol, un Unicaja Almería que nunca deu opcións aos lucenses, que caeron por tres sets a cero.
Xa desde o inicio quedou claro que o equipo andaluz non ía facer ningunha concesión, e cun xogo intenso e moi agresivo non tardou en anotarse o primeiro set por un humillante 25-10 en 19 minutos.
O marcador e o xogo irresistible do seu rival, pesou como unha laxa no equipo galego durante o resto do partido. Un parcial de 9-3 abriu unha brecha e o camiño ao triunfo almeriense nesta segunda manga, que acabou con 25-15.
Os almerienses non frearon, buscaron acabar canto antes co Emevé e lográrono no terceiro parcial cun marcador de 25-11 en apenas 20 minutos.
