Os padeeiros mariñáns brillaron con luz propia no descenso do Sor, celebrado no concello coruñés de Mañón, entre Ribeiras do Sor e o porto do Barqueiro. O Kaiak de Foz foi o vencedor absoluto da proba, con 137 puntos, escoltado polo CP Viveiro, que quedou segundo, con 120. Tamén participaron o CD San Ciprián, que foi oitavo, e o Altruán ribadense, que ocupou a décima praza.
Os deportistas da comarca tamén sobresaíron a nivel individidual, cultivando sete vitorias e numerosos postos de honra nas vinte categorías que se celebraron.
O club máis galardoado a nivel individual foi o CP Viveiro, que cultivou tres triunfos, un por medio dos parella Marcos Illanes e Javier Illanes, que triunfaron no K-2 sénior masculino; para María Ángeles del Riego, que triunfou en sénior feminino e Luís Sanjuán, que seimpuso en xuvenís.
Campos, prata no Mundial
O padeeiro do Altruán Ribadense Alberto Campos quedou ás portas de revalidar o seu título mundial da especialidade de maratón, pero cultivou unha meritoria e distinguida segunda praza, formando parella con Francisco Vázquez, que milita no Fluvial do Barco de Valdeorras.
