A disputa da ida das semifinais da Copa provincial de fútbol veterano non deixou entrever cales serán os finalistas, salvo na modalidade de Copa, onde o Saavedra e o Trasnos golearon nos seus respectivos encontros e apuntan como protagonistas da final deste ano, que se disputará, en todas as categorías, o próximo 12 de marzo.
O conxunto begontino gañou (1-3) no derbi chairego ante o Montouto, mentres que na outra semifinal, o equipo sarrián goleou (4-1) ao Portomarín.
Máis igualadas están as cousas na Supercopa. As semifinais Rábade-Taboada e Santaballés-Nausti finalizaron ambas cun resultado de empate a dous goles. Na Minicopa, o marcador inicial non se moveu no PC Box-Sancovade, mentres que o Gaioso gañou (2-1) ao Rabadense.
Liga
A competición ligueira regresa este fin de semana con dous derbis chairegos en Primeira División: Illán-Sancovade e Saavedra-Santaballés. O Albense recibe ao líder, o Taboada, e o Nausti ao Friol. En Segunda División, o Montouto visita ao PC Box, mentres que o Castro e o Cospeito xogarán en casa ante Guntín e Rabadense, respectivamente.
