Os Franciscanos de Lugo logrou o terceiro posto na categoría cadete masculina dentro do campionato de España de campo a través por clubs, que tivo lugar o pasado fin de semana en Oropesa do Mar (Castellón).
Ademais do triunfo individual de Miguel González na proba, o Franciscanos meteu a outros dous representantes entre os dez primeiros. Iván Manso terminou décimo e Ivo Maseda acabou no posto número 17. O resto de representantes dos Franciscanos foron: Adrián Diéguez (posto número 125), Miguel Escarda (165) e Saúl Jáuregui (171).
Por outra banda, o Lucus -e non os Franciscanos, como apareceu onte por erro- alcanzou a décimo oitava posición na categoría cadete feminina. Os postos do equipo lucense na proba foron: Carla Gallo (55), Inés Branco (68), Nerea Martínez (84), Lara Corral (126), Rosalía Rodríguez (183) e Carmen Pérez (220).
