O Emevé clasificouse para a final da Copa Princesa 2014, que se disputa este domingo ás 12.00 horas, tras derrotar ao Volley is Life 2008 (3-1) na primeira semifinal polo título que este ano se disputa na localidade burgalesa de Miranda de Ebro.
O equipo dirixido por José Valle superou ao seu rival en todas as facetas do xogo e conseguiu levar o gato á auga ante un conxunto almeriense que, a pesar de todo, vendeu cara a súa pel.
O Emevé fíxose de forma cómoda a primeira manga e a partir de aí xa foi carne sen ósos. O cadro lucense xa puido pechar o partido no terceiro set, pero un par de erros de concepto condenáronlle a ter que disputar o cuarto parcial.
A final desta competición que reúne ás catro mellores da Superliga feminina 2 de voleibol medirá ao Emevé co gañador do choque CV Torrelavega-RGC Covadonga.