O CB Burela Pescados Rubén deu un paso máis na loita polo título de Segunda División autonómica e polo ascenso a Primeira, ao vencer por 77-53 ao María Pita, cuarto clasificado, no pavillón Vista Alegre. As mariñás completaron un gran encontro, sobre todo na primeira metade, na que foron capaces de anotar 45 puntos.
O encontro comezou marcado pola igualdade e o intercambio de canastras. As coruñesas baseaban o seu xogo en meter balóns aos seus pivots, mentres que o equipo de Rubal apostaba por transicións rápidas e penetracións. Aos poucos, o cadro local foi collendo as súas primeiras rendas grazas ao acerto exterior de Míriam e ás entradas a canastra de Marta, ben apoiadas polo xogo interior de Carla e Mar. Con 21-12 chegouse ao final do primeiro cuarto.
Clasificación | ||
Equipo | PG | PP |
1. CB Burela | 14 | 3 |
2. Área 10 | 14 | 3 |
3. Santa María | 13 | 4 |
4. Pulpalia | 12 | 4 |
5. María Pita | 11 | 6 |
6. CB Sarria | 10 | 7 |
7. Cambre | 7 | 10 |
8. Costa da Morte | 6 | 12 |
9. CB do Lea | 4 | 14 |
10. Adfro | 3 | 14 |
11. CB Laracha | 0 | 17 |