O beirado rioxano que volve ao Pazo lamenta que a situación sanitaria actual impida que as bancadas da instalación deportiva non teñan o colorido habitual. "É algo triste ter que xogar unha final case a porta pechada. Nestes eventos non é normal pero nos estamos afacendo a iso e de face ao encontro desta tarde, o feito de que non haxa público fará que esteamos máis parellos".
Do Breogán, Edu Martínez dixo que o considera "como un claro candidato ao ascenso. Fixeron un gran equipo. Xogan de forma moi coral e sabemos que vai ser un encontro moi complicado. Están moi compensados con grandes xogadores en todas as posicións. Non podemos centrarnos en alguén en concreto, hai que frearlles como equipo".
Con respecto ao seu equipo, o beirado entende que as dúas últimas derrotas sufridas polo seu equipo "Non deben de afectar ante a final de hoxe. As derrotas é algo que pode pasar e delas hai que aprender pero o de hoxe é un partido distinto e outra competición e polo tanto non se vai a notar. O que si queremos é saír ao cen por cento para conseguir gañar o título", comentou.
Pedro Rivero
Adestrador do Alacante
"O Breogán é o mellor plantel da liga"
O adestrador do Alacante, cualificou ao Leche Río Breogán como "o mellor plantel da competición e isto fai que vaiamos estar pendentes de moitas cousas. é difícil focalizar en algo concreto, pero se tivese que destacar a un xogador por encima do resto, ese sería Kevin Larsen porque, cando el está ben, eles xogan realmente fácil".
O técnico segoviano tamén se referiu ás posibles vantaxes do seu equipo. "Temos moi bos manejadores no campo que son capaces de crear moito xogo para facernos moi perigosos. Todos sabemos quen son os referentes deste equipo", indicou.
Chumi Ortega
Escolta do Alacante
"Queremos levantar a copa Princesa"
O xogador yeclano Chumi Ortega asegura que afronta a final da Copa "con moita ilusión, a calquera xogador faríalla" e comenta que non hai un favorito "a partido único non hai un favorito claro, pero o Breogán ao xogar en casa ten ese plus. Iremos a Lugo a gañar porque queremos levantar a Copa".
