Dobre alegría nas augas de Foz

O k-2 do Club de Piragüismo Viveiro formado por Antonio Polo e José Ramón Estévez, e a embarcación de k-1 do mesmo club con Alberto Pigueiras conseguiron onte sendas medallas de prata na categoría sénior da edición número 51 da Travesía da ría de Foz, a segunda deste tipo máis antiga de Galicia e terceira de España.

Antonio Polo e José Ramón Estévez terminaron segundos na categoría reina da competición, só superados pola parella formada por Rubén Millán e Gabriel Campo, do Kaiak Tudense. A outra gran alegría para o piragüismo lucense proporcionouna Alberto Pigueiras no k-1 sénior. Finalizou segundo, por detrás de Diego Piña (Kaiak Tudense).