Diego Epifanio, adestrador do Río Breogán, advertiu do "talento" do HLA Alacante no perímetro e a intensidade coa que xogan, de face ao partido que disputarán os seus xogadores a domicilio o domingo ás 12:30 horas.
"Espéranos un rival que nos vai a esixir moito. A nivel de concentración e de enerxía imos necesitar estar a lume de biqueira", comentou nunha rolda de prensa telemática.
Epifanio destacou a Justin Pitts e considerou que Chumi Ortega está "preparado para dar o salto" a unha categoría superior.
"é un equipo que compite sempre ben, que con bastantes baixas en Coruña na anterior xornada compite ata o último minuto e obriga ao rival a tirar do seu talento para levar ese partido. Non sabemos con que xogadores van poder optar a xogar. é un equipo con moito talento no perímetro, moitos puntos nas mans", dixo.
"Nun club como este, con tantos seguidores, temos esa responsabilidade todos os que formamos parte do proxecto"
Engadiu que a iso lle suman "a intensidade que teñen tres ou catro xogadores" e iso fai que "sexa moi difícil xogar contra eles".
Ademais, advertiu de que cando o rival baixa unha marcha, Alacante "aprovéitao" e por todo iso considerou que no playoff, pola "súa forma de xogar e anotar", vai ser un rival duro" para o que lle toque.
Do seu equipo, que derrotou a Alacante na Copa Princesa, valorou a vitoria da semana pasada ante Palma logo de caer en Granada (97-80) e agradeceu a confianza da directiva.
"Nun club como este, con tantos seguidores, temos esa responsabilidade todos os que formamos parte do proxecto. E cando vés dunha derrota, a pesar de conquistar a Copa e ser líderes todo o ano, levántase máis rebumbio do normal. O que nos transmitiu Perico (Díaz, director xeral) é tranquilidade e confianza no traballo que nos levou aquí", agradeceu.