A directiva do San Pablo Burgos decidiu pór fin ao vínculo contractual que unía ao club co adestrador Diego Epifanio 'Epi', candidato ao banco do Cafés Candelas Breogán, tras catro tempadas.
Así o confirmaron o presidente do San Pablo Burgos, Félix Sancho, e o director deportivo e xerente da entidade, Albano Martínez, que coincidiron en que se trata da "decisión máis difícil" que tomou o club.
"Cremos que é un grandísimo adestrador, que demostrou moito e que é unha persoa excepcional", afirmou Sancho, que engadiu que nestas catro tempadas ofrecéronlle "a oportunidade e todos os recursos" para conseguir facer un traballo buenísimo, tanto en LEB como en ACB".
O motivo que levou ao club a tomar esta decisión é a necesidade "dun cambio de aires", destacou Sancho, e sinalou que o club ofreceu a Epi "un contrato para seguir traballando noutros campos do baloncesto" dentro da entidade.
Albano Martínez resaltou que o traballo de Epi "foi bo" e que "a pesar de que as decisións son duras, hai que tomalas".
