Sábado. 22.09.2018 |
El tiempo
Sábado. 22.09.2018
El tiempo

Díaz e Galán conquistan Lugo ante Capra e Moyano

Mario Hernando, director Xeneral do World Padel Tour, e Lara Méndez acompañan a Alejandro Galán e Matias Díaz na entrega de premiso. CABALAR (EFE)
Mario Hernando, director Xeneral do World Padel Tour, e Lara Méndez acompañan a Alejandro Galán e Matias Díaz na entrega de premiso. CABALAR (EFE)

A parella hispano arxentina sentenciou o encontro en dous sets despois de que Capra e Moyano perdoasen varias roturas de servizo

O arxentino Mati Díaz e o español Ale Galán conquistaron (6-0 e 6-4) o Aberto de Lugo, décimo torneo da tempada en World Padel Tour, ante Lucho Díaz e Galán conquistan Lugo ante Capra e Moyano, que perdoaron breaks, que perdoaron as opcións de break de que dispuxeron e víronse condenados á derrota na súa primeira final como parella.

Díaz e Galán, dupla número tres do circuíto, foron contundentes na pista do Pazo dos Deportes de Lugo, onde asinaron un gran torneo que coroaron do mellor xeito.

Logo de superar en semifinais a Franco Stpaczuk e Cristian Gutiérrez, o seu segundo título da tempada empezou a cociñarse con determinación, cun break no primeiro xogo con Capra ao servizo.

Consolidouno Galán e nada variou na pista por máis que Loito Capra cambiase de pa. Con Moyano ao saque e Mati Díaz marcando diferenzas, chegou o segundo break para porse 3-0 e achandar o camiño no primeiro set.

Ramiro Moyano tivo que ser atendido dunhas molestias no pé dereito e, de volta ao cubo de 20 por 10, xunto a Capra perdoaron tres bólas de contrabreak.

Do 0-40 pasouse ao iguais con Díaz ao servizo, e, aínda que volveron ter Capra e Moyano outras dúas bólas de break, pero caeu o 4-0.

O que dilapidou a parella arxentina recollérono Díaz e Galán, que romperon o servizo de Capra e pecharon o set co madrileño ao saque por máis que os seus adversarios intentasen resistirse.

A Lucho Capra quedóuselle curta a bóla e en 46 minutos, a parella hispano-arxentina tiña no peto o primeiro set, no que a diferenza estivo no aproveitamento das bólas de break: seis tiveron os perdedores, que non gañaron ningunha; cinco os vencedores, que levaron tres.

A segunda manga cambiou. Con Capra ao saque, por fin o binomio arxentino quitouse o cero no primeiro xogo.

Moito máis disputado que o primeiro set, o partido avanzou igualado. Galán, Moyano e Díaz sacaron con éxito.

Con Capra ao servizo, no quinto xogo, que parecía interminable, estivo a piques de chegar o break para Díaz e Galán. Tiveron catro bólas para logralo, pero non o confirmaron.

Galán asinou un xogo en branco e a temida rotura chegou no seguinte, o sétimo. Con Moyano ao saque, os erros de Capra deron dúas bólas de break a Galán e Díaz. A segunda quedóuselle na rede a Moyano.

O triunfo estaba case decidido. Díaz consolidou o break e no seguinte xogo el e a súa parella dispuxeron da primeira bóla de partido.

Loito Capra salvouna cun gran golpe na rede, outra boa bóla de Moyano puxo en vantaxe ao servizo e o seu compañeiro sacouna da pista para seguir con vida (5-4).

Pero aí acabou a resistencia. Galán serviu para gañar e non perdoou. Con 40-15, a Capra fóiselle a bóla e o torneo de Lugo adxudicoullo o parella número tres do circuíto. 

Díaz e Galán conquistan Lugo ante Capra e Moyano
Comentarios