Deporte Local Lugo
O Lugo cambia o seu ADN
O dianteiro murciano José Ángel Carrillo
O adestrador do equipo galego, Eloy Jiménez, referiuse en rolda de prensa á situación de Carrillo, que ten 25 anos e en España defendeu as camisetas de Murcia, Sevilla Atlético, Cádiz e Córdoba. "Está no paro, entra dentro do perfil do que necesitamos e estamos ao ver para comprobar o seu nivel físico e se nos poida encaixar", relatou o técnico.
Jiménez admitiu que "a semana que vén" pode ser decisiva para o dianteiro, que completaría a nómina de atacantes do cadro de plantel branquivermello.
"Non o vexo con malos ollos (a posibilidade de fichalo). Agora falta que a dirección deportiva o crea oportuno, que entre dentro das posibilidades económicas do club e o teito salarial nos dea para fichalo. Eu como adestrador si o vexo", insistiu.
De Carrillo destacou que é "potente", bo no "xogo aéreo, con mobilidade e xogo de costas", e dixo que a súa fichaxe implicaría máis "competencia arriba".
Por outra banda, Jiménez afirmou que o equipo ten que mellorar os seus resultados no Anxo Carro, onde disputará dous dos tres partidos que ten en menos dunha semana, o primeiro, este domingo ante o Tenerife, porque por aí é por onde pasa o seu "obxectivo", o da permanencia.
"Temos que facernos fortes en casa, que é onde temos que conseguir o obxectivo porque fóra somos moi fiables, moi competitivos", comentou o preparador do conxunto galego, que como local leva unha vitoria, dous empates e unha derrota.
O técnico advertiu de que o Lugo debe estar atento ás transicións dos tinerfeños e o balón parado e coidar "os pequenos detalles".
"O Tenerife é un equipo bastante definido, quere ser dominador de balón como nós e creo que vai ser un partido aberto, de poder a poder, no que os dous imos querer impor a nosa capacidade asociativa e temos que estar moi atentos ao seu xogo por fóra, ás transicións", declarou.
Ademais, o Lugo presenta as baixas de Hugo Rama e de Antonio Campillo, quen sufriu unha recaída da lesión de xeonllo que o levou a someterse a unha artroscopia hai uns meses.
"O de Campillo é unha pena, a ver se se dá coa tecla e se pode recuperar porque me alegraría polo mozo, porque unha grandísima persoa que está a sufrir e un grandísimo futbolista. O club, corpo técnico e compañeiros apóiano. Recuperaloe sería a mellor fichaxe que poderiamos facer", sostivo o adestrador manchego.
