Dez socios dos Cafés Candelas Breogán e dez acompañantes que eles elixan, compartirán a rutina diaria dos seus xogadores nunha iniciativa que puxo en marcha o club da man dun dos seus patrocinadores.
A campaña, que conta co respaldo de Serfuja, ten como obxectivo que os afeccionados pasen unhas horas cos xogadores no vestiario, salgan a pista e incluso participen na sesión de adestramento ás ordes do corpo técnico.
Os dez socios que participen nesta iniciativa serán elixidos por sorteo e deben inscribirse na web do patrocinador
"O maior activo do Breogán é a afección e queremos darlle protagonismo para que poidan establecer unha relación cos propios xogadores", indicou o xerente da funeraria que patrocina ao Breogán.
A iniciativa social e deportiva Proam, como foi bautizada, desenvolverase o xoves 2 de maio.
