A Policía Nacional detivo no estadio Ángel Carro a un afeccionado do Deportivo por abusos sexuais, tras denunciar unha muller aos axentes antidisturbios que o home lle estaba facendo tocamentos de forma continuada. A vítima era, como o seu suposto agresor, afeccionada do conxunto coruñés.
Os feitos producíronse na bancada reservada para o equipo visitante durante o partido disputado entre Lugo e o Deportivo, que acabou con vitoria local por 1-0. A Policía, tras deter ao home, trasladouno a Comisaría.
