As Xuventudes Socialistas de Vilalba celebraron un evento deportivo con carácter solidario no que lograron reunir a 57 mozos da localidade nas inmediacións da área recreativa da Magdalena.
A cita obrigaba aos participantes dos campionatos 3x3 de fútbol e os de 4x4 de voleibol a entregar unha peza de roupa coa que poder axudar a unha entidade benéfica. O resultado deste evento non puido ser máis exitoso, xa que se conseguiron preto de 100 quilos de roupa.
