O Club de Golf Lugo e a Asociación Española contra o Cancro en Lugo se aúnan este fin de semana por unha boa causa. A primeira edición do Torneo AECC Club de Golf Lugo servirá para visibilizar, unha vez máis, un problema que afecta á sociedade e que, en plena pandemia, agravou a situación vital de moitos cidadáns.
A cita, que se celebra este sábado e domingo, realízase a beneficio da asociación, que terá unha presenza destacada os dous días que dure a competición con em <>casetas, agasallo de obsequios e un sorteo entre todos os comensais e participantes que paguen os 20 euros que custa o menú solidario que ofrece o restaurante do propio club, Lareira de Albatros.
"Con isto da pandemia levamos tanto tempo sen organizar eventos que no momento que vemos un raio de sol, que é ao aire libre e que é un torneo benéfico, lanzámonos de cabeza", explicou o martes a presidenta da AECC en Lugo, Mariluz Abella.
"Estamos moi ilusionadas de retomar un pouco a actividade, de participar en eventos para recadar e obter recursos, que é fundamental para seguir axudando e acompañando á nosa xente", engadiu a dirixente da asociación.
A relación entre o Golf Lugo e a AECC en Lugo para a organización deste torneo naceu "hai tempo", pero a cancelación de todo tipo de eventos este último ano e medio imposibilitou que a cita deste fin de semana desenvolvésese antes. "Facía tempo que miramos de facer algo, son moitos os proxectos iniciados que se tiveron que aprazar, pero que esperamos retomar pronto se todo volve á normalidade", explicou Abella.
INSCRIPCIÓN. Todos aqueles interesados en participar no torneo de golf e apoiar á Asociación Española contra o Cancro poden facelo a través do teléfono 982.17.63.14 a través do correo electrónico [email protected]. O prezo por cada participante é de 20 euros, que se destinará de xeito íntegro para a asociación con sede na capital lucense.
Ademais, a cita ofrecerá con premios en cada categoría –scratch, 1º Hándicap, 2º Hándicap, subcampións, mellor driver feminino e masculino e mellor "approach"– e conta coa colaboración do Concello de Lugo, a Xunta, a Deputación, a USC, varias empresas galegas, como Gadis, Perfumerías Areal e Café Candeas, entre outras, e clubs deportivos como o Río Breogán e o CD Lugo.
