Deporte Local Lugo
O Lugo segue sen lograr o triunfo no primeiro partido da tempada
O extremo dereito do Celta de Vigo Juan Hernández é un dos nomes que está "encima da mesa" do CD Lugo para reforzar un plantel que, sobre todo, necesita fichaxes no centro da defensa.
Así o recoñeceu o secretario técnico do club lucense, Manolo Mandiá, tras a presentación do lateral Gerard Valentín.
"Juan Hernández é un futurible, a súa unha posición a cubrir, e el é un dos nomes encima da mesa, pero nada máis", precisou o responsable das fichaxes do Lugo.
Mandiá explicou que na posición de extremos o club está "un pouco necesitado", pero principalmente está "a traballar no posto de central", porque o equipo aí está "bastante coxo". Para completar o plantel, sinalou, "se cadra un centrocampista viría fantástico".
"Esas son as prioridades. A ver se somos capaces de cumprir as expectativas", admitiu o secretario técnico, quen asegurou que o Lugo non tivo "o máis mínimo problema" co límite salarial.
"Practicamente nada cambiou, todo segue igual, e teño esa vantaxe de que non parto de cero, que coñezo ao adestrador, ao persoal e o club. Estou moi satisfeito. É coma se non me marchara", comentou en rolda de prensa.
O xogador catalán sinalou que volver ao Lugo era unha posibilidade que se expuxo desde o momento que saíu que "ao final é unha opción sen risco".
"Aquí estiven encantado e quería devolver a oportunidade que me deron o ano pasado. Tamén quero agradecer a oportunidade que me dan para gozar do fútbol unha tempada máis", dixo.
O lateral sinalou que fixo a pretemporada "como un máis" no Deportivo, ao que "o único" que lle pediu era "que, se tiña que saír, puidese adestrar como un máis para estar preparado para competir".
Ao seu lado, o secretario técnico do Lugo, Manolo Mandía, destacou de Valentín a súa "versatilidade" porque "pode xogar atrás, de carrileiro e extremo".
