Daniel Areán finaliza oitavo no Mundial de taekwondo

O deportista taboadés, alumno do Neka, é o único europeo entre os oito primeiros do campionato en categoría júnior

Daniel Areán. EP
photo_camera Daniel Areán obtivo un gran resultado no Mundial online de taekwondo. AEP

O taboadés Daniel Areán terminou en oitava posición do Mundial online de taekwondo. O alumno do Neka é único deportista europeo entre os oito primeiros clasificados da súa categoría, júnior. A táboa está case copada por competidores asiáticos (dous coreanos, outros tantos tailandeses e un taipeiano) e hai, ademais, dous estadounidenses.

O Neka suma este éxito ao que logrou en categoría sénior o monfortino Álex Camba, terminou tamén en oitava posición. O Mundial disputouse online debido á pandemia. Daniel Areán tivo que enviar varios vídeos facendo exercicios para ser avaliados. O torneo celebrouse na modalidade de técnica, que consiste en facer movementos propios do taekwondo ante un rival imaxinario.

Comentarios