Dani Mallo converteuse este venres na primeira fichaxe confirmada de forma oficial polo CD Lugo para a tempada 2013-2014.
Segundo anunciou o club branquivermello, o xogador, que foi porteiro do Xirona, comprometeuse para as dúas próximas tempadas.
Mallo formouse no Deportivo da Coruña, co que chegou a xogar en Primeira División e na liga de Campións. A pasada tempada militou no Xirona, onde era capitán e no que se resaltou a súa importante contribución para que o equipo catalán disputase a fase de ascenso á máxima categoría do fútbol español.
Nacido o 25 de xaneiro de 1979 en Cambre, Mallo xogou tamén no Elxe, o Sporting de Braga e o Falkirk escocés. En Lugo, competirá pola titularidade con José Juan.
Éste é o primeiro movemento oficial que fai o CD Lugo no mercado de fichaxes. Aínda así, os rumores e as redes sociais apuntan outras fichaxes que aínda non foron confirmados, como Álvaro Peña, procedente do Athlétic de Bilbao. Hugo Álvarez e ata Isma López, quen estivo cedido no Lugo e volveu ao Athlétic.