O cartón vermello que o colexiado castelán leonés Valdés Aller sacou a Fernando Seoane o pasado sábado ante o Spórting de Xixón custaralle demasiado caro ao futbolista compostelán. O comité de competición da Real Federación Española de Fútbol (RFEF) comunicou onte ao club a súa resolución e sancionou ao xogador con catro partidos de suspensión e 3.005 euros de multa, mentres que o CD Lugo terá que pagar outros 800 euros. O club branquivermello acatará a sentenza e non recurirá a decisión da RFEF.
O organismo sancionador do fútbol español aplicou o artigo 94 do seu código disciplinario tras entender que o redactado por Valdés Aller na acta do duelo fronte aos xixoneses, na que argumentaba que a expulsión se debeu a que Seoane dirixiuse a el coas palabras «me cago na túa puta nai», era un insulto.
