Os españois Saúl Craviotto, Marcus Walz, Cristian Toro e Rodrigo Germade lograron a medalla de prata no K4 500 metros nos Mundiais de piragüismo esprint, que se disputan en Montemor-o-Velho (Portugal).
O cuarteto español foi segundo tras os alemáns Max Rendschmidt, Tom Liebscher, Ronald Rauhe e Max Lemke, quen triunfaron cun rexistro de 1:20.056. Craviotto, Walz, Toro e Germade quedaron a 367 milésimas dos campións.
Os húngaros Sándor Tótka, Péter Molnár, Miklós Dudás e István Kuli foron terceiros (+1.424).
A medalla lograda polo equipo español no K4 500 é a segunda que a delegación española celebra na xornada dominical, tras o triunfo do zamorano Carlos Garrote no K1 200, e tamén a segunda que o padeeiro vivariense Cristian Toro obtén no torneo, tras a conseguida na xornada do sábado.
No medalleiro español locen, polo momento, cinco preseas.
