O Bilbao Basket estuda fórmulas para devolver o importe das entradas do partido ante o Río Breogán, suspendido este domingo por un problema no reloxo de posesión, a aqueles que as compraron, unhas 400 persoas, segundo informa El Correo citando fontes do club vasco.
Sería, polo menos, un pequeno alivio para as decenas de afeccionados desprazados desde Lugo e que quedaron sen ver o partido por unha decisión exclusiva da Liga ACB.
Desde o club lucense, o seu director deportivo, Tito Díaz, insistiu este luns en que o Breogán se sente "perxudicado". "Estabamos alí para xogar, agora imos estar tres semanas sen competir e había uns 500 afeccionados que foron alí connosco", enumeraba Díaz en declaracións á TVG. Nesta mesma liña pronunciouse o domingo o club e tamén Erik Quintela
ESCENARIOS POSIBLES. A pesar da reincidencia de problemas co reloxo de posesión en Miribilla non parece probable que o xuíz único de competición dea o partido por perdido ao Surne Bilbao por moito que o regulamento contemple esa posibilidade.
Cando se suspendeu en 2018 o Breogán-Joventut por un problema no marcador do Pazo tampouco se lle deu o partido por perdido aos lucenses. O encontro repetiuse, pero o Breogán, iso si, tivo que facerse cargo dos gastos de arbitraxe e de desprazamento do conxunto badalonés.
🏀 Estivemos con Tito Díaz, dtor. deportivo do @CBBreogan, para saber a súa versión do acontecido ante @bilbaobasket
— En Xogo tvG2 (@EnXogo_tvG2) December 6, 2021
🎙️" É a @ACBCOM a que apraza o partido e agora ten que decidir o Xuíz Único"
😡Quéixase do tempo que agora pasarán sen xogar e polo trastorno para os seareiros pic.twitter.com/8yFIGuV0x5
Contra Zaragoza el 23/9 // Contra Breogan el 5/12
— 𝔸𝕤𝕚𝕖𝕣 🦁❄️ (@aasiieeer_) December 5, 2021
¿Por qué uno se juega y el otro no?
Muy feo lo que se le ha hecho a los aficionados que han venido desde Lugo @ACBCOM pic.twitter.com/aJFHI7S3UY
Se cadra non se debía pasar por alto o feito de que en está mesma tempada en Bilbao xa se xogou un partido ( ante Zaragoza) sen un dos marcadores de posesión. Nesa ocasión a ACB permitiu xogar. Hai reincidencia na ausencia de medios técnicos obrigatorios
— Paco Basanta (@PacoBasanta) December 6, 2021