Dous conselleiros do Cafés Candelas Breogán, Eduardo Valín e Luis Franco, presentaron a súa renuncia a continuar no Consello de Administración do club lucense por motivos persoais. O equipo galego, recentemente descendido á LEB Ouro tras unha campaña na liga Endesa, explica que os dous directivos ofreceron a súa colaboración ao club.
Ambos expuxeron motivos persoais para a súa renuncia e o Breogán agradece a súa "importante achega ao club".
A entidade lucense está inmersa nunha ampliación de capital e o presidente, Jesús Lázare, en principio, tampouco continuará. O pasado 31 de maio, sobre o seu futuro, indicou que a súa intención de deixar a presidencia non se debe a unha "cuestión de cansazo nin esgotamento" senón por problemas laborais que xurdiron a finais do ano pasado.
"Creo que chegou o momento de deixalo, pero non pecho portas a que poida seguir, aínda que a día de hoxe non creo que siga", sinalou entón na súa comparecencia.
