ESQUECER unha xornada aciaga, corrixir os erros e avanzar no xogo para buscar un triunfo que se resiste. O técnico do Lugo, Eloy Jiménez, lamentou os fallos do seu equipo en defensa e asegurou que o grupo tivo opcións para marcar máis goles.
"Foi un día para esquecer. Cometemos moitos erros en defensa. No aspecto ofensivo tivemos ocasións como para facer algo máis, pero nesta categoría, se non es contundente na área pásate factura", valorou Jiménez.
"Se non somos capaces de corrixir eses erros pois ás veces haberá que saltarse a zona de medio campo"
"Estivemos ben ata o primeiro gol, que creo que se pode evitar. Antes desa acción o equipo tivo varias ocasións para marcar. Despois, outra perda por dentro penalizounos. Non tivemos o día. Logo un penalti que se puido evitar... E cando nos puidemos meter no partido o cuarto gol xa o fixo todo imposible. Agora temos que corrixir, aprender e ser máis prácticos nalgunhas situacións", engadiu.
O preparador de Hellín indicou que o Lugo pode ser máis directo no futuro. "ás veces temos que evitar esas situacións de xogo interior. Se non somos capaces de corrixir eses erros, pois ás veces haberá que saltarse a zona do medio do campo", explicou.
"Antes de traer a un xogador o que vai dar prefiro a un rapaz da casa"
Sobre a fichaxe de josete, Eloy Jiménez dixo: "sabemos o rendemento que nos pode dar e antes de traerche outro xogador, estranxeiro, que non saibamos o que nos vai a dar, prefiro a un rapaz de casa que veña a sumar". "é unha posición que necesitamos cubrir porque estamos collidos con pinzas", opinou o manchego.
"Todos sabemos que fáltanos un perfil de banda esquerda, un zurdo. A ver se chega un no mercado e que nos dea nivel. Se viñese un dianteiro tamén sería interesante. A dirección deportiva está a traballar e ás veces non podemos competir co que pagan os demais", declarou sobre o final do mercado de verán.
