martes. 18.02.2020 |
El tiempo
martes. 18.02.2020
El tiempo

Chiqui, satisfeito co seu "debut" co Lugo e coa "asistencia"

Óscar Castellano, 'Chiqui'. CD LUGO
Óscar Castellano, 'Chiqui'. CD LUGO
O futbolista do Polvorín afirmou que o equipo "deu a cara ante o Xirona en todo momento"

O futbolista estremeño do Polvorín Óscar Castellano Chiqui, celebrou o seu debut en Segunda co Lugo en Montilivi, onde deu unha asistencia a Iriome. "Estou moi contento pola oportunidade que me deu o míster. Foi todo moi rápido esta semana porque me subiron ao primeiro equipo", valorou Chiqui.

"Sigo traballando como o primeiro día. Estou moi contento de que me chegou esta oportunidade e de que o adestrador confíe en min. Non me esperaba este debut, pola asistencia no gol noso, pero o sabor ao final foi amargo pola derrota", considerou o xogador da filial branquivermello.

Sobre a derrota por 3-1 ante o Xirona, Chiqui destacou que o equipo "deu a cara" a pesar de non poder puntuar en Montilivi. "Cando contra un equipo como o Xirona te pos 1-0 no minuto 2 nunha xogada desafortunada é difícil. Pero puidémolos someter bastante no seu propio campo, o que quere dicir moito do equipo, pero o segundo gol vén de penalti e a expulsión penalizounos, aínda que o equipo deu a cara en todo momento".

Chiqui, satisfeito co seu "debut" co Lugo e coa "asistencia"
Comentarios