O chantadés Fernando Ibarra completou esta madrugada a Feidippideios Ultra Maratón, de 490 quilómetros de percorrido, en 94.19.47 horas. Deste xeito, cumpriu co seu obxectivo inicial, que era baixar das 100 horas.
Ibarra cruzou a liña de meta na décimo terceira posición dunha carreira cuxo percorrido é Atenas-Esparta-Atenas.
O gañador foi o polaco Lukasz Sagan, que cubriu os 490 quilómetros en 69.27.17 horas, case trece horas menos que o segundo clasificado, o francés Jean Louis Vidal (82.02.13).
A danesa Tina Andersen, a única muller entre os 40 inscritos, acabou na decimoséptima praza con 98.57.20 horas.
