David Castro e Joselyn Brea foron os grandes triunfadores do domingo no XXXI Tríatlon do Miño, que para esta edición contou con máis de 150 deportistas. A proba, que pertence ao circuíto galego, é clasificatoria para o campionato autonómico que se celebrará dentro dun mes en Pontevedra. O percorrido estivo composto por 750 metros de natación, 20 quilómetros de ciclismo e 5 quilómetros a pé.
A vitoria de Castro (EQTR-Rodacal Beyem) na categoría masculina absoluta foi indiscutible. O atleta natural da Roda, en Albacete, logrou completar o circuíto en 55.16 minutos, destacando especialmente en carreira a pé. Antonio Benito
Pola súa banda, a proba feminina terminou coa vitoria de Joselyn Brea Abréu (Tri Penta), que dominou en todas as probas salvo natación. Chegou á meta tras 1 hora, 4 minutos e 55 segundos. Sara Guerreiro Manso (Náutico de Narón) foi a segunda clasificada, só 23 segundos por detrás de Joselyn. A súa irmá Edymar (Tri Penta), que o ano pasado levaba a vitoria na competición, terminou terceira tras unha boa remontada nos quilómetros finais, cun tempo de 1 hora e 8 minutos.
O Tríatlon do Miño contou con máis de 150 deportistas
Mentres, no resto de categorías, os gañadores foron: Myrian López Mulet e Esteban Basanta Fouz en cadetes, Natalia Hidalgo Martínez e Adrián Feixe García en júnior, Sara Guerreiro Manso e Sebastián Rivera do Ferro en sub-23, María Jesús Coya Otero e Fady Hout Varela en veteranos 1, e, finalmente, Manuel Jesús Gayoso Real en veteranos 2.
Na proba aberta a participación popular venceron Lucía Piñón Pereira e Brais Picón Montero en absoluta e infantil, Iria Fernández Díaz e Iván Maroño Pascalín en cadetes, Ariadna Lúa Pasarín Neira e Gabriel Vián Pérez en sub-23, María López Palacios e José Antonio Gontán Castro en veteranas, ademais de Jacobo Mulet Gómez na categoría júnior.