O dianteiro José Ángel Carrillo
"O Puma ten forza e desenvoltura para sacar centros ou disparos e as habilidades de Gerard Valentín son dabondo coñecidas. Temos que aproveitar as capacidades dos nosos costados porque iso non se ten nesta categoría", declarou o futbolista branquivermello.
O dianteiro recoñeceu que logo de dúas derrotas e un triunfo nas tres primeiras xornadas do campionato, "en canto a resultados, o balance non é positivo", pero rescatou as "sensacións" que deixou o Lugo coa excepción do partido do pasado fin de semana co Almería (0-2), que resolveu o choque no primeiro cuarto de hora.
Carrillo quedou coa "actitude, traballo e compromiso" do equipo lucense, que se mediu, en opinión do atacante, a tres "galos": Fuenlabrada, Leganés e Almería.
Fronte a eles, o Lugo cambiou definitivamente o estilo de xogo respecto da proposta coa que afrontou os seus primeiros anos desta segunda etapa na categoría de prata, onde quería levar a iniciativa e ter a posesión.
"Sabemos cal é o noso xogo. O noso potencial non é a posesión de balón e somos realistas e temos que buscar outras alternativas para facer dano aos rivais. O noso traballo é estar máis juntitos, con liñas replegadas e, cando teñamos opción de facer dano, ir a por"todas , sostivo Carrillo.
Como murciano que é, afrontará o próximo fin de semana un partido "especial" ante o Cartaxena, ao que visitará o Lugo.
"Vivín moitos derbis e, como murciano, sempre gocei destes duelos. Oxalá teña a oportunidade de sumar ao equipo. Para min, é un partido moi bonito", sinalou Carrillo.